Festetan da Santiomendi!

Abuztua festa giroan pa­sa­tzen dute Astigarragako San­tio­mendi auzoan. Gaur, au­zunean bertan, Amabir­jin egu­na ospatuko dute, egun guz­tian zehar. Bihar, berriz, San Roke eguna dute, ermitan.

Bereizgarria, oilasko-biltzea
Santiomendik mantendu duen ohitura da oilasko-biltzearena. Goizeko 09:00etan abiatuko dira baserriz baserri, eta kalejira egingo dute, oilasko-biltzaileek. Toka saioa ere badute, 10:30ak aldera, eta horren ostean hasiko da jende gehiena biltzen auzoan. Base­rri eta sagardotegi dezente ditu Astigarragako auzo ho­nek, eta bertan egindako sa­gardoak aterako dituzte plazara, jendeak probatu ditzan. Sagardoari laguntzeko, tortila; eta tortilak ere, bertako auzotarrek eginak; lehiaketa egingo dute, ea zeinek hobea egin.
Zaldi-demak ikusiz emango diote bukaera goizari, eta goserik sosegatu ez bada ere, badaezpada herri bazkaria daukate prest, 14:00ak aldera.

Arratsaldean, herri kirolak
Kabilako trontzalariek piztuko dute auzotarren arreta, arra­tsaldeko 18:00ak aldera, be­raiek izango baitira herri kiroletako protagonista nagusi. Ho­rrez gain, umeentzako jolasak, eta afaria ere aukeran izango da. Egun guztian, Xapre eta Furrielaren trikiti-hotsa izango dute lagun.

EGITARAUA:
09:00etan, diana
09:00etan, baserriz-baserri
oilasko biltzaileen kalejira.
10:30etan, toka.
12:00etan, Santiomendiko
baserrien arteko sagardo dastaketa txorixo pintxoez lagunduta eta patata tortila lehiaketa.
12:00etan, zaldi dema.
14:00etan, auzo bazkaria.
18:00etan, herri kirolak eta Kabilako trontzalariak.
Ondoren, umeentzako jolas ezberdinak, toka barne, eta afaltzeko aukera.
Egun osoan zehar Xapre eta Furrielaren trikiti eta panderoa entzuteko aukera.