Goizuetan guztia prest dute eta guztiak prest daude 6 eguneko festari ekiteko. Gazte Egunarekin, gaur hasiko dituzte Amabirjin jaiak eta goizean goizetik izango dira: aurorak, mahaingurua, trikitilariak, gazte bazkaria, gazte bingoa, gazte txupinazoa, batukada eta dantzaldia.
Gazteek txupinazoa gaur botako dute, baina txupinazo ofiziala bihar izango da eguerdiko 12:00etan, udaletxean. Pablo Miranda Goizuetako alkate berriak botako du itxaferoa. Bihar eta etzi, hau da, Amabirjin egunean, entzierroak izango dira. Bertso saio ederra ere izango da.
Emakumeen Egunean, Umore-Ona dantza
taldearen emanaldia
Aurten lehenengo aldiz, Emakumeen Eguna antolatu dute goizuetarrek. Hori asteartean izango da eta egitarau zabala prestatu dute: puzgarriak, pelota partidu xelebreak, herri bazkaria, dantzaldia... Horrez gain, azken urteetan jende mordoa bildu duen dantza emanaldia izango da Umore-Ona dantza taldearen eskutik.
Pelotari profesionalen
partiduak
Asteazkenean, Sagardo Eguna izango da eta sagardoa probatzeko aukera izateaz gain, Aspe enpresako pelotari profesionalen arteko partiduak izango dira.
Ostegunean, Ezkondu eta Umore-Ona peñen egunarekin bukatuko dira festak. Ohi bezala, bazkaldu ondoren, kalejiran aterako dira peñak.
Jaietako egitaraua egunez egun
Autobusak Hernani-Goizueta