Berriro egin duzu zure akziotxoa, Atzietako eskaileretan, oilategiko atean: pintxoetan erabiltzen den paliloa sartu sarrailan, eta oiloak gobernurik gabe egunetan, sarraila konpondu arte. Urteak eman dituzu akzio hori egiten, aldiero. Orain arte pilatu dituzun delituak, erderaz esanda: 'reincidencia', 'daños a la propiedad privada', 'alevosia', 'nocturnidad', 'maltrato animal', besteak beste.
Eta idatzi hau argitaratu eta gero, egiten baduzu berriro, handiagotu egingo duzu zure delitua: zer ondorio izango duzun abisatuta zaudelako. Beraz, segi zeure lanean axeri (axerien senak horixe eskatzen dizue eta), eta axeri guztiak bezala, gaur edo bihar eroriko zara: zuk uste baino gehiago gara oiloen aldekoak, eta zu bezalako axerien kontrakoak.
Eta egun horretan ordainduko dituzu direnak eta ez direnak. Baina, batez ere, orduan izango duzu zigorrik haundiena: herri guztiak jakingo du zein zaren.