Jasota Bezala

Zertan dabil EH Bilduko udal gobernua?

Erabiltzailearen aurpegia

Ia 9 hilabete pasa dira udal gobernu berria eratu zenetik eta herri honetan norbaitek ba al daki zertan dabiltzan alkatea eta bere zinegotziak?
Ez behintzat Astigarragako au­tobus zerbitzua hobetzen. Aurreko legealdian hainbeste kezkatzen zituen gaia ez dute aipa­tu ere egin azkeneko hilabetee­tan. Oraindik ez dira Foru Aldundiko Mugikortasuneko sai­la­­rekin bildu; ezta Haurreskolen Partzuergoarekin ere, haurreskola be­rriko proiektua koordinatzeko. 
Ez daukate klima aldaketa­ren kontra eta ingurumenaren aldeko proposamenik, EAJk bul­tzatutako Santiagomendi-Lan­dar­baso Paisaiarako Plana ka­jo­ian sartu zutenetik. Ez dago kulturaren aldeko inolako ekimenik, PNVk bideratu zuen kulturetxea inauguratzea itxaroteaz gain. 
Astigarragan PNVk landu eta erein duena jaso besterik ez dira egiten ari alkatea eta bere taldea: ibai parkea; Kontxaren lorategia eta Anuska auzoko irisgarritasuna hobetzeko obra-lanak; Arrobitxuloko igogailua; Emakumeon plaza eta inguruko urbanizazioa... Eta, gainera, kexatzen dira. Aurreko legealdian landutako proiektuak jaso eta gainera EAJk egindako lana gutxietsi egiten dute… Astigarragako proiektu berririk ezean. PNVren lana baliatu eta eurena denaren itxurak egiten dabiltza. Baina lanean ez. Pankartak eta zaborra plazetan zabaltzearekin denborapasan. Eta kitto. 
Horregatik, PNVren proiektu­ak gauzatzen doazen heinean, konturatzen hasiak dira proposamen berriak landu beharko dituztela, baina, ai... horretarako lan egin behar da. Ez daude baratzean lanean aritzeko jarrerarekin eta PNVri eskatzen diote herriaren alde lan egiteko. PNVk jarraitu behar du etxea hornitzen, jauntxo berri hauentzat.
Ez dira soilik hitzak. Azkeneko plenoan, zeintzuk diren gure herriarentzat dituzten proiektuak galdetuta, idatzi dituzten iragarkien kopurua aipatu zuten. Komunikazio lanetan dabiltza: EAJko proiektuei oihartzuna ematen, beraienak balira bezala. Besterik ez dute, zaborra nahasten jarraitzeaz gain, noski.