Etxe goxoa

?Etxe goxoa?

Eusko Jaurlaritzak dekretu berri bat osatu du, konpontzeko beti daukaten zailtasuna, modulatu eta enkajatu ahal izateko, gazteentzako eta adinekoentza­ko etxebizitzen puzzlearen piezak.

Konponbiderik gabeko arazoa da, inbertsioa alokairu so­zialera ausardiaz bideratzen ez duten bitartean. Izan ere, ezinbestekoa bezain preziatua den ondasun sozial bat, espekulazio pribaturako objektu bilakatzen dute, pitxiak, akzioak... tratatuko balituzte bezala.

Merkatal perbertsio maila berean, gauza bera egiten dute ondasun publiko haundienarekin, urarekin. Klimaren kontrolarekin batera, horiek izango dira XXI. mendeko bi gerrak. Hurrengoa, airearena? Ez dago tarterik egutegian horretarako... eta ez da hatsik geratuko, berri bat egiteko.

Ondo ekipatutako zaharren egoitzak dauzkagu, intimitate falta kenduta; izan ere, logela konpartitu behar dute, geratzen zaien bizitzaren denboraren erdian. Irabazi asmoko merkatal irizpideen arabera pribatizatzen ari denez, lan gatazkak eragiten ditu, zerbitzuaren ka­li­tatean eta prezioetan eragiten dutenak. Eta zaharren egoi­tzak, eskola eta ospitaleekin ba­tera, ez lirateke sekula negozioak izan beharko.

Euskal Autonomia Erkide­go­ko eta Hernaniko etxebizitzen puzzlearen komodina izan litez­ke, gutxiegi erabilitako etxebizitzak, bakarrik bizi diren adinekoenak, askotan irisgarritasun arazo haundiak eta gehiegizko zarata dutenak.

Euskal medioetan oso islada txikia dauka, nahiz eta Eu­ro­pan aurreko mendearen er­dialdetik den eraginkorra, eta 2000 urtetik estatuko lurraldeetan. Adineko pertsonen etxebi­zitza kolaboratibo eta autogestionatuak, zaharren egoitzen al­ternatiba onena dirudi, se­den­tarismo apatikoa eta bakardadeko bizitza saihesteko.

Cohousing senior delakoa, zerbitzu komunitarioekin eta 24 orduko erizaintza asisten­tziarekin, erabilera eskubidearekin gozatzen da (ez alokairua eta ez erosketa); eta Danimar­kan sortu zen, 1960an. Hori sus­tatu eta, era berean, adineko pertsona horien etxebizitzekin hornitze hutsarekin, Eusko Jaur­laritzak aurreztuko luke lurra, sustatuko luke enplegua, eta ho­betuko luke alokairu sozialaren eskaintza, familia sortu nahi duten bikote gazteentzat.