15 urte bete ditu aurten Amher elkarteak eta datorren igandean ospatuko ditu Atsegindegin, urteroko Jaialdi Gastronomikoan. Betiko plater eta zaporeen ugaritasunaz gain, aurten zerbait berezia eskaini ahal izango da, adibidez, Jubilatuen abesbatza, Mendebaldeko Saharako emakumeen abestiak, musika marokoarra?
Denbora aldatuz doala-eta, hain ezaguna egin den logoa aldatuko da: ?gizonak eta emakume gonadun eta ile luzeak txandakatuz? izan dena, logo sinbolikoagoa bihurtuko da.
Sakonean aldatuko ez dena, Amherren helburuak (aholkularitza, bizikidetza eta aniztasun kulturala sustatzea) eta lan egiteko modua (herriko erakunde eta elkarteekin elkarlana, bolondresen parte hartzea, era askotako ekintzen antolaketa?).
Igandeko ekimena arrakastatsua izan ohi da urtero eta aurtengoa ez da gutxiago izango. Ahoa gozatzeaz gain Hernaniko pertsona eta kultur aniztasunaren ispilu izango da. Han elkartuko gara.