2015ean, Ezker Abertzaleak, PSOE-k eta UPyD-k, beraien artean adostuz, aurrera atera zuten aipatutako lege hau. PNV-k ez zuen momentu hartan onartu nahi izan, zeren bere bozeramaileak zioen bezala, honek «efecto llamada» sortuko zuen... Baina Parlamentutik pasa, eta baita onartu ere.
2016ko urtarrilaren 1etik aurrera, indarrean jarri zuten, baina ez legearen puntu guztiak. Adibidez, hutsa dugun etxebizitza baten expropiazioaren (lapurketaren) ahalmena agertzen den puntua, garai hartan ez zuten indarrean jarri nahi izan. Egun haietan, Ezker Abertzaleko pertsona bati irratian egindako elkarrizketa batean, zera galdetu zioten: «eta zergatik ez dira lege horren puntu guztiak batera indarrean jartzen?». Eta erantzuna: «bueno... horiek aurrerago jarriko dira... jendea oraindik ez dago hortarako prestatua». Lotsagarria, benetan!
Badakite, denborarekin, dena onartzen dugula. Eta azkenean, hori ere, gutako bati expropiatzea, lapurtzea, onartuko dugu. Tristea benetan!
Pentsa ni gaixorik nagoela eta bakarrik bizi naizenez, laguntza behar dudalako, familiako norbaiten etxera nihoala, eta ez dut nere etxebizitza alokatzen... Behartu egin behar al naute? Edo etxea lapurtu?
Pentsa familia batean, asko kostata, bere bizitza osoko irabaziekin etxebizitza bat erosi dutela, pentsatuz seme-alabek zerbait beharko dutela, eta haiei laguntzeko bizimodu arrunt bat egiten... Hoietako asko ditut nik inguruan. Baina kontrakoak ere ezagutzen ditut; lasai bizi, hara eta hona bidaiak egiten, oporrak han eta hemen, bi edo hiru kotxe etxean... eta hori bai, laguntzak ematen direnez, hobe eskatzea eta kitto! Zertarako etxe bat erosten agobiatu?
PNV-ri ez diot aurpegia garbituko, hainbeste urtetan gobernatzen eta denbora pila galdu dutela uste dut. Orain dela 40 urte behar genituen konpetentziak ?eskean? dabiltza oraindik Madrilen. Baina ez diet aurpegiratuko PPrekin aurrekontuei buruz zerbait adostu dutela eta.
Baina, hori bai! Ez dut ahazteko lehenago aipatutako etxebizitzen lege hori, Ezker Abertzaleak, PSOEk, eta UPyDk adostuta atera dela aurrera. Eta urtea bukatu baino lehen, lege osoa, puntu guztiekin indarrean izango dugula. Nolako astakeria!