... Jaurlaritzak etxe hutsak EAEn jarri nahi ditu, eta ospatzekoa da, baina ez denon aldetik eta alde bakoitzeko denen aldetik.
Zinemarako sarrerak badauzkat, eta berandu joan eta aparkalekurik ez badago, bigarren ilaran uzten dut kotxea, zein ondorio izango duen jakinda. Egoera horretan zegoen lagun batek esan zidan pelikula galdu eta etxera itzuli zela sarrerak eskuan, grua saihestearren.
Burtsa eta zirkulazioan dauden produktu finantzario eta espekulatzaileak ez bezala, etxeak eraikitzeko dirua mugitzeak funtzio soziala du, eta etxebizitza edukitzeko eskubidea Konstituzioan jasota dago.
Konstituzioak dioena betetzeko interes falta edo zailtasuna, eta bizi dugun arrakala sozioekonomikoa etengabe haunditzeak dakarren alokairu sozialaren eskaera gero eta haundiagoak, Eusko Jaurlaritza bultzau du dekretu bat idaztera, hutsik dauden etxebizitzei zergak eta zigorrak jartzeko; prentsan jakitera emandakoaren arabera, zigorra jasotzen dutenen maila ekonomikoaren arabera ondorioak desberdinak izango dira, eta zigorrari aurre egin ezin diotenek... ?pelikula? indarrez irentsi beharko dute, kasu horretan.
Inposizio ?zirkulatorio? hau gehiegikeria instituzionala ere badela uste dut, eta arazoaren karga herritarrei botatzeko modua. Prentsak ez du horretarako joera haundirik, baina ondo legoke estatistika europarrak ezagutzea, jakiteko alokairu sozialeko zenbat etxebizitza publiko dagoen 100.000 biztanleko eta batez besteko prezioa zein den, lurralde bakoitzeko BPGaren (PIB) arabera. Kasu paradigmatikoa da Austriakoa, eta bereziki, Vienako udaletxekoa.
Gipuzkoara dena iristen zaigu berandu, konponbidea ondoan izanda ere. Deskargako autobia inauguratu berri da, eta, beraz, ezin hobeto osatu da errepide sarea kotxe gidari eta kamioilari europarrentzat, baina... zer gertatzen da erabiltzaile izan ez, eta Urumea ondokoak bezalako trafiko dentsitate handia duten errepideen ondoan bizi direnek jasan beharreko soinuekin?
Duela 30 urtez geroztik ondoan edukita, atzerapena izan zen Galarretako errotonda eraikitzeko. Orain Ipar Euskal Herrian eraiki diren zaraten kontrako kilometrotako pareta lodi, antiestetiko eta zimurren txanda da, eta ez kristalezko panel estetiko eta sinple edo hormigoizko pareta leunena, tramitearekin bete bai, baina arazoa konpontzen ez dutenena... Berdin, alokairu sozialeko babes ofizialeko etxeekin, alderatuz gero antzeko aberastasuna duten herrialde europarretan per capita BPGaren arabera eraikitako metro karratuen batez bestekoarekin, baina oso desberdin gelako erosmen ahalmenarekin.