A28ari boikota!

Politika zientzia bat da; ho­rre­gatik, mundu osorako baliagarriak diren legeak, arauak eta printzipioak jasotzen ditu. Ha­la­­ber, politika, jarduera ere bada, eta ekintza horretan, nahiz eta bere printzipio orokorren teoria menperatu, badago asmatu ezinik aritzea. Zinez, horrela ikusten dut Euskal Herriaren praktika politikoa, nahi eta ezin batean urtzen, euskotarrak bihotzez gure barnean desira dugun askatasuna lortu ezinaren etsipenak jota.
Politikaria, batez ere, politikaren zientziaz gain politikaren artea menperatzen duena da, alegia, errealitate konkretu bateko une bakoitzean joka­tzen dakiena. Egiari zor, azken hamarkadako eginahalak utzitako uzta ikusita... arte surrealista dirudi!
Errealitatea, gordinki, Ge­txon eta Errege Bardeetan orain­­tsu marraztu da (aurrez bere izaera egiaztatzeko sobera ma­rraz­ki ez baleude!), baina, in­dar­tsu­­enak ere ahulguneak ditu, eta sekretua aurkituta, bere atzapar artetik ihes egitea posible dugu.
Estrategia eraginkor batek, lehenik, indarra metatu behar du. Euskal Herriak daukan ide­ia politiko bateratzaile bakarra lehenetsi behar dugu: askatasuna, independentzia, autodeterminazioa. Hiru adiera ez­ber­din ideia politiko berbera adierazteko. Bigarrenik, zapaltzaile­ari jaramonik ez egin eta erresistentzia nazionalari atxiki: 28ari boikota! Es­painiar hauteskunde guztiak, Frantzian legez, gure zapalkuntza legitimatzeko tresna dira, beraz, jukutria ho­rretan Herriaren partaidetza, ezin­bestekoa duten laguntza opa­ritzea da. Hirugarrenik, boi­kotaren taktika hau debaldekoa da, Herria babestuta dago eta zapaltzaileak ezin gaitu ez zigortu ezta bere sisteman in­tegratu. Kolapso totala!
Boikota areagotuz, inoiz bai­­no errazago litzaiguke, Ge­txo­ko portuan, soil-soilik turistaz lepo datorren gurutzaontzia baimentzea, eta Errege Bardee­tako aireko espazioan, suntsipen handiko armez lepo datorren ehiza-hegazkinaren he­gal­dia debekatzea. Dudarik ez!

Iñigo Gallartzagoitia Zorrotzua