Kaxkoko asteburuetako desordenaren erantzuleen bila gabiltza, horrek eragiten baitu Hernani izendatzea legerik gabeko hiri, non denak balio duen, eta edozer egin daitekeen. Horren inguruan duten iritzia galdetu diegu Udaltzaingoaren agente batzuei, eta erantzun digute, esaten dietena egiten dutela; aginduak goitik jasotzen dituztela, eta horietara mugatu behar direla haiek.
Hortaz, Udaltzaingoaren buruari eta herriko alkateari galdetzen diegu: zuek zarete erantzuleak, agenteek ez aplikatzeko Herritarren Elkarbizitzarako eta Kaleen Erabilera eta Garbitasunerako Udal Ordenantza?
Hona hemen, ordenantzaren 1go kapituluko hiru artikulu:
7. artikulua. Drogen eta edari alkoholikoen kontsumoa: debekatuta dago edariak saldu edo zerbitzatzea, ostalaritza establezimenduetatik kanpo kontsumitzeko, terrazetan edota bestelako instalazioetan izan ezik, Udalaren baimenarekin.
10. artikulua: debekatuta dago kalea zikindu dezakeen edozer egitea; eta bereziki, debekatuta dago edalontziak, botilak eta freskagarrien edukiontziak kalean uztea edota botatzea.
33. artikulua. Arau-hausteak: arau-hauste arinak izango dira 10, 11, 12, 13, 14, 15, 16, 17 eta 29 artikuluetakoak; botilak, botellinak, edalontziak eta freskagarrien edukiontziak botatzea, 200 euroko isuna. Arau-hauste larriak izango dira 7, 19, 20, 21, 22, 23, 24, 25, 26, 30 eta 31 artikuluetakoak; 751 eta 1.500 euro arteko isuna.
Alkate jauna, kargua utziko duzu, zure zortzi urteetan artikulu horiek asteburu bakar batean ere betearazi gabe? Oker gaude, esaten badugu ez dituzula bizilagunak errespetatzen, zurea guardiako epaitegikoa dela, lotsagarrikeria hutsa, eta Kaxkoko desordenaren erantzule zarela?
Marie Claire Aduriz Martinez
Kaxko hobetu