Jose Maria Gonzalezek sinatuta urriko eta azaroko idatziak irakurri ditut harridurarekin. Nire izena agertzen da eta Kaxko Elkarteko Batzordeko jokaeraz kexatzen da eta proposamenak egiteko eskakizuna egiten du, Plenoan mozioa aurkeztekoa esaterako. Hori bai, baldintza batekin, aurkeztuko den testua Batzordekoa ez den bizilagun batek idatzia izatea edo komisioa bat sortzea asteburuetan eta txotx garaian sortzen diren arazoak aztertuko dituena.
Ez da lehenengo aldia prentsan Kaxko Elkarteko Batzordearen aurka idazten duena, nahiz eta Kaxkoko bizilaguna izan ez. Gainera telefonoz deitu zaio gonbidatzeko Batzordeko bileretara etortzera bere proposamenak azaltzera. Adierazi digu ez duela joateko asmorik eta hitzegin behar duguna Kaxkoko bizilagun batekin eztabaidatzeko, berarekin guztiz ordezkatuta sentitzen omen da, Ion Azpiazu.
Bizilagun honek aipatutako idatzi berak argitaratu zituen urriko beste bi egunetan, gainera azken lau urteetan 200 bat email edo prentsa idatziak ezagutarazi ditu bere proposamenak eta kexak azalduz. Berarekin bilerak egin dira, gauzak bere onera ekartzeko eta eskatu zaio egia erabiltzen ez dituen idatziak zuzentzea, baina ez da posible izan akordiora iristea.
Idatzi horietatik 50en bat aztertu ditut. Bertan, guri ere kezka sortzen diguten gauzak aurkitu ditugu, eta horietako asko Udalean eta Berriak Elkartean erreklamatu ditugu. Batzordeak ez ditu idatziak babestu eta gehienetan aurkitu dira esaldiak, non esaten den bizilagunen alde Batzordeak ez duela ezer egiten. Elkartearen pasibitateak kezkatzen du eta batzordekide batzuren jarrerak, bere proposamenak babesten ez direlako. Beste esaldi batzuetan gezurra esaten du, manipulatu egiten du edo testuingurutik ateratzen ditu.
Hiru urtez kongresu edo foro bat antolatu nahi izan da txotx denboraldiaren inguruan. Gure mugak direla eta ezin izan da egin momentuz. Kaxko Elkarteak kolaborazioa behar du eta bizilagunen laguntza, baina ez ditu manipulatzaileak behar.