Zuzentasun eta ganora eskaera udal hautetsiei

Imanol Beroitz Insausti
Hernaniko Udaleko langileen ordezkaria

Hernaniko Udaleko langileon or­dezkariok ez dugu kolore ezberdinetako udal hautsien arte­ko hika mika politikoetan sartzeko ohiturarik. Udal Zer­bi­tzu ezberdinen egoera eta fun­tzionamendua hika mika po­litikoetarako erabiltzea zilegi dela aitortzen dugu. Hori bai, egiten denean ganoraz eta zu­zentasunez egitea eskatzen du­gu, horien faltan errealitatea desitxuratzeko arriskua baitago. Desitxuraketa horrek udal langileon zein herritar ororen errealitatearen ikuskeran distortsioak sortzen ditu.
PSE-EE alderdiko udal or­dez­kariak zuzenak ez diren da­­­tu­ak erabili zituen Her­na­ni­ko Udaltzaingoaren inguruan pasa den astean argitaratutako ida­tzian. Horrek herritarron artean segurtasun faltaren pertzepzioan eragiten du, eta udal­tzai­nen artean beste udalerri ba­tzuekiko errekurtso gutxiago dituztenaren pertzepzioan.
Tolosako Udaltzaingoaren datuak ez dira zuzenak, ez di­tuzte 5 udaltzainez osatutako taldeak hiru txandatan lanean, 3 udaltzainez osatutako taldeak hiru txandatan lanean baizik, eta horretaz gain, errefor­tzurako taldea. Hernanik eta Tolosak antzeko giza baliabideak dituzte, hori bai ezberdin antolatuta.
Bestalde, Hernani Arrasa­te­rekin alderatzea soilik egungo egoera kontutan hartuta, ez da oso zuzena. EUSTATen 2017ko da­tuen arabera, Arrasatek 22.047 biztanle zituen, eta Hernanik 19.774. Jakina da biztanle ko­pu­rua aldagaietako bat dela udalerriek dituzten baliabideak an­tolatzeko orduan. Ikus­pun­tua zabalduta, ohartuko gara 2000 urtean Arrasatek 23.718 biztanle zituela, Hernanik 18.698 zi­tu­­en bitartean. Arrasatek 25.598 biztanle zituen 1990 urtean, eta bertako zerbitzu publikoen ba­liabideak errealitate horretan daude diseinatuta. Hernaniko Udaltzaingoak 2008 urtean 5 udaltzain gehiagorekin indartu zuen plantila azkenekoz, he­rri­ak 19.229 biztanle zituenean.
Amaitzeko, PSE-EE alderdiko udal ordezkariari zuzenak ez diren datuak erabili izana adierazteko berarekin bildu gi­nenean egin genuen moduan, esan nahi dugu 20.000 biztanleko langaren balizko gaindi­tzeak udal korporazioaren osaketan aldaketak ekarriko ditu­en bezala, biztanleriaren handi­tzeak udal zerbitzu ezberdinen eguneratze eta egokitzapena ere ekarri behar duela, kalitatezko zerbitzu publikoak eskaini nahi baldin badira behintzat. Ho­rren inguruan udal hautetsi guzti­ek badute zer hausnartua.