Ugaztun karraskaria da urtxintxa, 35 eta 45 zentimetro artean neurtu ohi duena; erdia, isatsari dagokie. Bere burua xelebrea da, bi begi distiratsurekin eta hortzak oso garatuta dauzkan aho batekin. Txikiak direnean hartuz gero, etxekotu egin daitezke, eta oso maitakorrak dira.
Haziak, azalak, fruitu lehorrak, kimu bigunak, pinaburuak eta ezkurrak jaten dituzte. Udaran lur azpian gordetzen dituzte, negurako edukitzeko. Zuhaitzen zuloetan egiten dituzte kabiak, eta batzuetan, baita hegaztiren batek hutsik utzitako kabian ere. Kuriosoa da ikustea, nola estaltzen duten kabia, elkar gurutzatutako adarrekin, eta goroldioarekin sendotuta, euria denean babestu ahal izateko.
Goiz Eguzkin ikusi ahal izan genituen, irailaren 29an, karraskari maitakor hauetako zazpi, lurrean jolasean edota zuhaitzen enborretatik adarretara igotzen.
Nire 68 urteetan, ez ditut inoiz ikusi urtxintxak inguru hauetan. Beraz, haziak, fruitu lehorrak eta bestelako litxarreriak utzi dizkiet, jubilatuen egoitzako ginkgo biloban edo beste bi izei zoragarrietan jolasean geratu daitezen neguan.
Hori bai, argazki kamara prest izango dut beti, argazki gehiago ateratzeko.