Euskal Herri anitz batean bizi gara. Hainbat taldek, kolektibok, pentsamenduk, pertsonak, kulturak… egiten dute hau posible eta inguratzen gaituen aberastasun eta errealitateaz ez gara ohartzen batzuetan.
Bidaiatu egiten dugu, lurralde urrunetara joaten gara bertako kulturekin topo egiteko, askotan ohartu gabe etxe ondoan ditugula. Bizilagunak garela.
Aurten ere badator Bizilagunak proiektua, herri berean bizi garen kultura ezberdinetako pertsona zein familiak mahai baten inguruan bilduko gaituen momentua. Elkar hurbiltzeko, ezagutzeko eta elikatzeko zubia egiten du bizipen honek. Bada, topa dagigun eta edonon lagundu dezagun elkar!