Duela gutxi, Zazpikan Euskaldunei eta Kanadako indigenei buruzko erreportaia ikusiko zenuten beharbada, lauburua marraztua daukaten kanoak, euskaldunek eramandako aizkorak, hitzak, trukea. Baina ikerketa proiektu hau duela denbora askotik dago martxan, eta uste baino handiagoa da.
Lan ona egiten ari dira Cape Bretoneko unibertsitatea, Unamaki College eta euskal Jauzarrea (euskal kulturaren ikerketa eta zabalkunderako fondoa).
Euren historia ikertzean, gurea ere ikertzen ari dira, lan paregabea eginez. Irailean, Sydneyen, Kanadan, Atlantiar Knekk Tepaw kongresua egingo dute, Cape Bretoneko unibertsitateak eta Jauzarreak antolatuta, eta ostegun honetan proiektu hau aurrera eramaten ari diren pertsonak ezagutzeko aukera paregabea izango dugu. Stephen Augustine Unamaki Collegeko ikerlaria, indiar algonkinoa eta Jauzarreako Xabi Otero izango dira hizlariak.
Presta zaitezte zur eta lur geratzeko…
Ostegun honetan, ekainak 14, 17:00etan Orona Ideon.