Zer egingo du orain EH Bilduk?

Azkenean, hainbatetan eskatu ondoren, EH Bilduk 2018ko martxoan eman digu 2017ko ekainean egindako informea, herriko bi puntutan, 2016/12/3, 2017/01/06 eta 2017/02/11 datetan egin­dako soinu neurketen datuekin. Zergatik behar izan dute hainbeste denbora?

Egunei erreparatuta, Kax­ko­­ko edozein bizilaguni sortuko zaizkion galdera berak sor­tzen zaizkigu. Zergatik ez dira egin hiru neurketetatik bi txotx denboraldian? Zergatik ez da bat martxoan egin, herrira jende gehien etortzen den momentua izanik? EAJ-PNVk neurketa horiek egingo zituzkeen, Hernaniko herria baita Txotxeko errealitatea ezagutu nahi duena. Badirudi EH Bil­duk ez duela nahi, errealitatea zein den jakiterik.

EAJ-PNVn beti esan izan du­gu, EH Bilduk eskatzen di­tuen informeak bere planteamendu politikoen arabera egiten direla, eta ez gure herriaren beharren arabera. Adibide garbi bat ja­rri­ko dugu. En­pre­sa berari eska da­kioke bi ikerketa egiteko, he­rrian ibilgailu­en zirkulazio­a­ren noranzkoak nolakoa izan behar duen azter­tzeko, kasu ba­­tean, herrira inor ez etortzeko moduan, eta bestean, Her­na­ni­ra sartu-irtenak egitea eroso­agoa izateko mo­du­an. Enpre­sa bera, emaitza desberdinak.

Soinuaren azterketara itzu­lita, ikerketa 2017an egin zenez, imajinatzen dugu EH Bilduk pentsatuko zuela, dagoeneko, zein neurri jarriko d­i­tu­en mar­txan, orokorrean, Hernaniko bizilagunen bizi kalitatea, eta zehatzago, Kax­ko­koena, hobe–tze­ko. Espero du­gu erabaki ho­rien berri ema­tea oposizioari.