«Her­nani Tratu Onen herria dela sinesten dugu eragile eta pertsona ezberdinen sare handia duelako eta benetako elkarlana dagoelako»

Zein da AMHER elkartearen ibilbidea? 
2002. urtean inguruko etor­kinen egoerari aurre egiteko elkartzeko beharra sentitu zuten Hernaniko herritar ba­tzuk. Modu batean, informa­zio puntua sortzeko eta doku­mentu administratiboak au­rre­ra eramateko helburu­a­rekin elkartu ziren herrita­rrak. Arreta handiagoa behar zela ikusi zuten, eta 2003. urtean herrian kulturaniz­tasuna lantzeko elkarte bezala AMHER finkatu zen. Hortik, ikusi zen, gainera, herrian etor­kinen eta bertakoen ar­teko elkarbizitza sustatzeko ekintzak ere antolatu behar zirela. Hortaz, Hernaniko uda­larekin hitzarmena sinatu eta hasieratik, AMHER funtzio­na­tzeko bolondresak ekin diote lanari; baina, eguneroko ha­rrera ahal den hobekien ema­teko, gainera, hainbat lan­gile egon dira bulegoan gaur egunera arte.

Eta, zehazki, zein da egiten duzuen lana? 
Arrazakeriari eta diskrimi­nazioari aurre egiten diegu, desberdintasunak murriz­ten lagunduz, inklusioa bultzatuz; Hernaniarren arteko bizi­ki­detza indartzea dugu hel­buru. 
Seguraski, Bizilagunak edo Jaialdi Gastronomikoa egiten dugulako ezagutzen gaituzte, baina, gauza gehiago egiten di­tu­gu urtean zehar, bai herrian eta baita bulegoan zein arlo pri­batuan ere.
Aitzitik, aholkularitza, erro­­­­tze eta bizikidetza ekin­tzak, sentsibilizazio ekintzak, ema­kumeen taldea eta Gazte­Bizi­lagunak gazte taldea au­rre­ra eramaten ditugu.

Zergatik animatu zineten “Tratu Onen Mapa” prozesuan parte hartzera?
Herrian elkarbizitza positiboa sustatzen saiatzen garelako eta, baita ere Hernani Tratu Onen herria dela sinesten dugula­ko. AMHER-ek Tratu Onak lantzen dituelako herritar berriei harrera eginez; akonpaina­mendua egiten diegu, lagundu eta zaintzen ditugu. Hernanik eragile eta pertsona ezber­dinen sare handia du eta benetako elkarlana dago. Hortaz, oso ideia inte­resgarria iruditu zitzaigun Tratu Onen Mapan sartzea.

Herrian daukaguna baloratze aldera, zeintzuk dira egun dauden praktika onak? 
Lehenago esan bezala, Her­nani Tratu Onen herria dela sinesten dugu, eragile eta pertsona ezberdinen sare han­dia duelako eta benetako elkarlana dagoelako.
Kulturartekotasunari da­go­kionez, nabaria da eragi­leen eta pertsonen arteko sa­reak aniztasun kulturala ba­besten duela. Eragile eta per­tsona horiek, gainera, ez dira adin tarte batekoak, ezta pen­tsa­mendu edo ideologia bere­koak eta, zaletasunak eta jato­rriak ere anitzak dira.

Eta zuen ustez, eta Tratu Onei dagokionez, zer indartu behar da Hernani mailan? 
Gure ustez, bertako zein etor­kinen parte hartzea area­gotu beharko genuke. Berta­koak antolatzen dituzten ekin­tze­tan etorkinen presentzia falta nabaria da eta alderan­tziz ere bai.

Nola irudikatzen duzue migranteen inklusioa de­non­tzako ona izango den Tratu Onen herri amestu hortan? 
Tratu Onen herri amestu horretan, eta Bizilagunak pro­i­e­ktua aprobetxatuz, familien eta gazte kuadrilen artean he­rrian gauzatzen diren ekin­tzen informazio trukea, batera egiteko ekintzen anto­laketa egongo liratekeela uste dugu.