Joan den astelehenean, Plazan, kontzentratu ziren aurrenekoz gure herriko adinekoak. Astelehenero egingo dute, aldarrikatzeko zerbait, berez ez litzatekeena aldarrikatu behar ere. Eskubideak eskubide dira, eta inork ez du horiek gabe gelditu behar.
Nork defenditu dezake ez dagoela dirurik gure adinekoentzat, eta ezin dutela bizitza lasai bat izan, bizitza osoa lanean eman ondoren? Bizitzea tokatu zitzaiena gogorra izan bazen, ez da bidezkoa gaur egun jubilazio duin bat eskatu behar izatea, bizi ahal izateko.
EAJ-PNVtik nahi dugu, utzi diezagutela pentsioak Euskaditik kudeatzen; horrela hobeto funtzionatuko du, guk kudeatzen dugun guztia bezala, Madrildik kudeatuta baino.
Babestuko ditugu jubilazio duin bat eskatzeko egingo diren kontzentrazio guztiak, eta adineko guztiak animatu nahi ditugu parte hartzera, beraien eskubidea exijitzeko.