Sindikatuak, behingoz, bere onetik atera dira Hernaniko Udalean dagoen lan prekarietateagatik. Hobe orain, inoiz baino. Hainbat legealdi daramakizkigu gai honekin, eta EAJtik uste dugu nahikoa dela.
Udaletxeko lanpostu kopuru haundi bat behin behineko funtzionarioekin beteta dago: Idazkaria eta kontu-hartzailea (Udaletxean erantzukizun eta botere gehien daukaten teknikariak), pertsonaleko teknikaria, kulturakoa, gazteriakoa, hirigintzako abokatua eta arkitektoa, Zerbitzu Publikoetako aparejadorea, baita sail honetako hainbat ofizial eta peoi ere, udaltzainak, etab.
Honek zer esan nahi du? EH Bilduk langileak bere mesedeetara dituela. Langile ‘finkoa’ ez zarenez, errazagoa da EH Bilduren ‘esanak’ jarraitzea.
Gainera, galdegin beharko genuke zer pasatzen den beste herrietara lekualdaketa eskatzen duen langile kopuru haundi horrekin, edo EH Bilduk zergatik ez duen kontuan hartzen 2007-2011 legealdian egindako lanpostuen balorazioa, funtzionarioen lan baldintzetan islatzen dena.
Inork ez du ezer ere ez esaten; zain daude ea 2019an EAJ alkatetzara iristen den eta ea hura ezartzea eskatzen duen. Eta ziurtatzen dugu beteko dela.
Ez dakigu gaur gutxiengo zerbitzurik egongo den, ezta udaletxea, kiroldegia, musika eskola edo kultur etxea irekiko diren ala ez.
Hernaniko EAJrentzat funtzionarioek oposaketa librea egin beharko lukete, eta hernaniar orok aukera izan beharko luke lanpostu bat lortzeko. Hori ez da gertatzen, ordea, EH Bilduk gure herrian ezarritako ereduarekin.