TIPIak

Jakinarazi digute hasi berria den txotx denboraldia medio, tipi ka­na­dar batzuk jarriko dituztela Gudarien Plazan, udaltzainen­tzat. Pen­tsatzen dugu haiek bakearen pipa erre bitartean, bisitariek in­guruan yuyuyu dantzatuko dutela, sagardo edalontzia eskuan...
Plazan jarritako komunak be­zain politak izango dira, eta astelehenetik larunbaterako tartean ken­duko dituzte. Izan ere, monumentu historiko artistikoa izendatutako gunean horrelako zerbait ja­rri behar da, gero, bizilagunei hainbat gauza egiten uzten ez diguten tokian, eta begira udale­txeak zer egiten duen, eredu emanez. Txa­rre­na da, zaharrak berri ditugula, le­hengo urtean hitz egin baikenuen honen eta balizko konponbide ba­tzuen inguruan, zinegotzi batekin.
Espero dugu txabola/komunak ekitaldiekin bat egiten duen kolorez margotuko dituztela, Herna­ni­ra datoztenek ez dezaten galdetu: zer da kaka zahar hau? nori bururatu zaio horrelakorik jartzea? Hori al da orain bost urte edo gehiago behin behineko konponboidea zena, behin betiko konponbidea bilatzen zen bitartean?
Ezin dugu lasaitu eta ara­zo­ak gaiztotu daitezen utzi. Herri­ta­rren­­tzako errespetu gehixeago es­ka­tzen dugu, alkate jauna. Eskerrik asko.