Errespetua eta legalitatea

Ion Azpiazu Goñi
Kaxko Hobetu

Urtarrilaren 5etik 6rako gaue­an, errege bezperan, Andrekalek jasan du, beste behin, gazte bi­si­tarien neurrigabekeria, bera­ien iskanbilarekin enbarazu egiten baitzieten, lo egin nahi zuten bizilagunei.
Udaletxean beste alde batera begiratzen dute, gai honi bu­­ruz hitz egiten denean. Ez dira inplikatzen, eta ez dute neurri errepresiborik hartu nahi mo­lestatzen dutenen kon­tra, edo­ta gizalegezko arauak betetzen ez dituztenen kontra.
Gure autoritateen inhibizio etengabe horren ondorioz, bizi­lagunak beraien kasa uzten di­tuzte alde batera, eta bisitarien gizalegearen kontrako ja­rreren presioa jasaten dute.
Txotx denboraldiaren hasi­e­rarekin batera, indar berezia hartzen du Kaxkoan, mozkorkeriaren kultura deitzen dugunak; denak balio duela legerik gabeko herrian.
Bizilagunok ideiak eman ditugu arazoa konpontzeko, eta eskatu nahi dugu bide-orri bat martxan jartzea, berreskuratzeko bizilagun guztien erres­petua eta atsedenerako eskubidea; haurrena eta hirugarren adineko pertsonena barne, be­ra­iek baitira kaltetuenak.
Alkate jauna, arazoa pixkanaka gutxitzen joatea, borondate kontua besterik ez da.
Zurekin eta zure taldearekin kontatzen dugu, lo egin nahi duten bizilagunen interes eta eskubideak defendatzeko, arauak betetzen ez dituzten bi­sitarien aurrean; eta horrela, konpontzeko denboran gehiegi luzatzen ari den arazo bat.