Ion Azpiazu Goñi
Kaxko hobetu
Abenduaren 16an, kronika lokalean Udal Aurrekontuei buruz argitaratu zen artikuluaren harira, babestu nahi dugu alderdi batzuek defendatzen duten postura, salatuz dirulaguntzak jasotzeko bidea, askotan, obstakulu lasterketa bat bilakatzen dela.
Aurrekontuetan txertatzen dira dirulaguntzak, komunitate eta bizilagunei eskaintzen zaizkie, publizitate gutxirekin, eta gero Udalak ez du diru hori gastatzen, interesatuek ez dutelako lortzen diru horretara sarbidea. Batzuetan, ez dutelako garaiz izaten horren berri, edo eskatutako baldintzak betetzeak daukan zailtasunagatik.
Gure Udalak hondakinen bilketaren aldaketak jakinarazi nahi dituenean, kartelak jartzen ditu portal bakoitzean, bizilagunak informatuz.
Komunitate eta bizilagunentzako dirulaguntzen kasuan, berriz, ez du sistema hori erabiltzen; beste batzuk erabiltzen ditu, jakinda ez direla hain eraginkorrak.
Kasu garbi bat da balkoi eta leihoak ixtekoa. Aurreikusitako partida gastatu gabe, eta obra egiteko interesa zeukaten bizilagunak egonda, eskatu zitzaion epea luzatu edo baldintzak aldatzeko.
Udalaren erantzuna, justifikaezina justifikatu nahian, bikoitza izan zen:
-Epea ez da luzatuko.
-Datorren urterako aurrekontuetatik desagertu egin da partida.
Bizilagunekiko errespetu falta iraunkorra da, eta eskatzen dugu dirulaguntzak berriro jasotzea aurrekontuan, Udalak errespetatu nahi ez duela dirudien akordio baten emaitza direlako; eta bizilagunei erraztea sarbidea, partidak gastatzen ez direnean.
Eskerrik asko, Alkate jauna. Gizatiarra bada huts egitea, jakintsuena da zuzentzea.