Honezkero konturatu zarete hernaniarrak udaletxeko balkoian nafar banderak agertu eta desagertu egiten direla noizbehinka. Batzuetan, herriko jaietan adibidez, bi txiki goiko ganbaran eta ale batzuk etxeko balkoi eta kaleetan. Beste batzuetan, berriz, udal balkoi nagusitik zintzilik nafar bandera handiago bat, xingola beltzez ala gabe.
Dagoeneko askok badakizue Nafarroa Garaiko udaletxeetan ikurrina eta nafar bandera elkarrekin eta mai-la berean jartzen direla ohoreko tokietan. Biak ala biak eurentzat hartzen dituzte, Nafarroakoa kate eta koroarik gabe. Hernanin, Santiago egunean jarri zen, Gaztelako tropak Iruñean sartu eta konkistatu zutela oroitzeko. Hurrengo abuztuaren 15ean, baskoiek Orreagan Karlomagnori irabazi ondoren Estatua eraiki zutela ospatzeko. Erreinu-Estatu horretakoak ginen gu ere, nola ez dugu jarriko ba bandera nafarra ohoreko tokian. Berez, Iruñean bezala biak jarri beharko lirateke maila berean, udaletxeetan, balkoietan…, ohoreko lekuan eta betiko.
Beñi Agirre Oiartzabal,
Hernani Errotzenen
izenean