Noren eskuetan gaude!

Hernaniko Gizarte Zerbi­tzue­ta­ko Lehendakariak sinatu duen prentsa oharra irakurri dut, Etxeko Laguntza Zer­bi­tzu­aren finantziazioaren in­gu­ru­an, eta baieztatu dezakedan bakarra da ez dituela hernaniarren interesak kontuan hartzen, bere alderdiarenak, Bildurenak baizik.
Idatzi horretan esaten ez dena da 2012an, Bildu Gipuz­koako Foru Aldundian eta Her­na­nin gobernuan zela, EAJ-PNVtik Udaleko Plenoan galdetu genuela noiz banatuko zen kudeaketa eta gizarte zerbi­tzuen kostua, eta Hernaniko Bilduk erantzun zigula sei hilabetetan dena egina egongo zela. Legegintzaldia pasa zen, eta ezer ere ez. Inork irakurri al zuen kritikarik, Hernaniko Bilduk Foru Aldundiko Bilduri egina, ordainduko genituen eta ordaindu ditugun zientoka eta milaka euroak medio?
2008ko abenduan onartu zen gizarte zerbitzuetako le­gea, arlo honen inguruan erakunde bakoitzaren eskumenak zehazten zituena. Lege horretan adierazten zen Etxe­ko Laguntza Zerbitzua udalen ardurapekoa izatera pasako zela; hau da, udalak izango direla zerbitzuaren kostu guztia ordaindu beharko dutenak. Etxeko Laguntza Zerbitzua or­dain­tzearen ardura Hernaniko Udalarena bada, eta Gi­puz­koako Foru Aldundiak gastuaren %50 ordaintzea erabaki badu, zergatik egiten zaio kritika? Gaur egunera arte gehiago ordaindu badu izan da, eskumen hori udaletara transferitu bitartean, bere ardura zelako.
Hernanik kudeaketa eta egia merezi ditu, Gipuzkoako Foru Aldundian gobernatzen due­nak gobernatu. 
P.D. Urtean bai ordaintzen ditugula 800.000 euro gehiago, Atez Atekoarekin Hernaniko hondakinak biltzen, eta gainera, urtero 2.000.000kg de­sagertzen dira oraindik. Hori ez zaio axola Bilduri.