Garai nahasi eta ilunak!!!

Erabiltzailearen aurpegia

Koro Etxeberria Aranburu (ez nahastu Otsuaeneko Koro Etxeberria Tolosa zinegotziarekin) oker dago. Ani­ma­li­a­rik torturatu beharrik izan gabe Osiñagako jaiak oso on­do pasa ditugu.
Ehun lagun inguruk ikusi genuen desafioa, eta inork ez genuen tortura jarduerarik antzeman. Nahiz euria egin, ikuskizuna zoragarria izan zen. Abereak eta pertsonak elkarrekin lanean ikusi ge­nituen, zaldia Suharri­re­kin elkar lanean, eta astoa An­donirekin, jarri zitzaien be­harra betetzen. Bikain aritu ziren laurak. Andonik, astoarekin, irabazi zuen. Korok (Jasota Bezala 2017/06/07) jaietan abere desa­fio egin dugulako kultura urrikoak jotzen gaitu, a­gian sadiko­tzat hartu, eta guz­ti hau, kritikatzen duen ikuskizuna ikusi ere egin gabe. 
Garai nahasiak bizi ditugu, eta Korok idatzian erakusten digun bezala ez oso argiak. Ani­maliak defenda­tzeko ba­liz­ko misioan, Korok gi­zon-emakumeak bazter­tzen ditu, eta aurreiritziz betetako judizioak eginez, bost axola zaio pertsonak iraintzen eta mintzen baditu. Garai nahasi eta ilunak, esan bezala.