Astokeriak Hernanin

Herri baten kultura, animaliei ematen zaien tratuan ikusten omen da. Uf!! Her­nanin, non gaude oraindik?
San Joanetako programan, egun batean, sokamuturra kendu omen dute -egun batean, bestean ez, noski, gehiegitxo izango zen eta-, eta hau gauza haundia izango balitz bezala, eman ziguten berria. 
Osiñagako festak direla eta, ‘abere desafio berezia’ egin behar omen dute, Ima­nol ‘Paollaren’ zaldia eta As­te­asuko Andoni Mendi­za­ba­len astoaren artean... Ez dakit zein den gehiago!
Eta Ereñotzun ere, desafio bera. Eta neure buruari galdera berbera, ez al litzake hobeto Paolla eta Mendiza­ba­len artean, bata bestearen kontra aritzea, animaliak pake-pakean utziz? Agian, gai zarete horrelako balentriak erakusteko... Beno, nahi nuke, baina ez, argi daukat ezetz, ez zaretela gai.
Zorionak berriz, Etxe­berrikoei, Mendekoste Jaiak, ondo pasa dutelako, inongo animalirik torturatu behar izan gabe. Mila esker zuei!