ALDE HEMENDIK!

Maugi Rojo Gonzalez,  Izaskun Niño Navascues,  Mikel Zumarraga  Luzuriaga
Hernaniko Sortu

Egunotan Espainiako militarrak ibili dira Hernanin. Hilabete bai­no gutxiago da Ger­nikako bonbardaketaren 80. urteurreneko ekitaldiak izan genituenetik. Baina Gerni­kara joan beharrik ez dago izugarrikeriak ikus­teko. Herna­nin, indar armatu faxistek 200 pertsona baino gehiago fusilatu baitzituzten. Eta orain, bandera beraren pean, uniforme berak jantzita eta helburu politiko berberekin datozkigu beren parafernalia li­zu­narekin, arma bortitzak erakustera, ma­kina hiltzaileak pase­atzera, dirua alperrik xahutzera. (Espai­niak eskaintzen digun ‘zerbitzu’ hau, geuk or­dain­tzen baitugu ku­poaren bidez).
Badakigu zer ekar­tzen duen Espainiar armadak Euskal He­rrira: aginte arrotzaren inposizioa, askatasunen murrizketa, de­mo­kraziaren zapalketa, jendea izutzea, in­gurugiroaren txikizioa, lapurreta eta hilketa.
Ozenki esaten dugu ez zaretela ongi etorriak, ez zaituztegu begien bistan ikusi nahi! Euskal Herria da biztanleko ‘segurtasun indar’ gehien duen Europako herria. Bada garaia desmilitarizaziorantz urratsak ematen hasteko.
Hala ere, Espai­niako armada kalkuluak eginda dator Euskal Herrira. Bada­ezpada, independen­tzia prozesua oztopatzeko helburuarekin. As­katasuna eta demokrazia beti izan baitira espainiar armadaren etsaiak. Ziurgabetasun garaiak bizi ditugu, eta tinko eutsi behar diogu gure bideari, gure hautua argia delako: independentziarako prozesuarekin jarraitu be­har dugu Euskal He­rrian ere. Ez dago ar­madarik, herri baten borondate argia itzal dezakeenik. ALDE HE­MENDIK!