Guztiok arrain txikiarekin

Egun norbaitek denda bat irekitzeko aholkua eskatuko balit, ez nuke jakingo horretara animatu ala ez.
Alde batera utzita lanaren go­gor­tasuna edota abentura haundi honi heltzeak dakarren arrisku ekonomikoa, konpetentzia haundien au­rre­an dauzkagun aparteko zailtasunen inguruan ere ohartarazi behar nuke. Izan ere, sekula baino gehiago aplikatzen da he­men, arrain haundiak txikia jaten duen kontu hori. Arrain haundi horrek forma eta kolore asko har­tzen ditu; saltoki haundiena eta hori asiatikoa bezalako koloreena. Ohitu egin gara kate komertzial haundiak kalean ikusten, eta herri mailan txino dei­tzen diegun horiek izkina guztietan ikusten.
Udal legediaren inguruko ja­kin­duriarik ez dut, baina edozein kaletarren gisan, galdetzen dut ea gure arrain ontzian horrelako arrainak edu­kitzea ez ote den Her­na­­ni­ko komertzioen egoera era­gi­ten duen benetako arazoa. Uler­tzen dut mundu guz­tiak daukala ko­mertzio bat irekitzeko eskubidea, be­har diren eskakizunak be­te­­tzen baditu, baina gero ezin du­gu larritu ikustean betiko ferreteria, paper denda, drogeria edo mer­tzeria hutsik daudela. Ima­ji­na­tzen dut arrain haundi hauek ederki laguntzen dutela udal diru-kutxa betetzen, baina ezin dugu alboratu horren ordaina zein den. Era berean, ez dakit bata bestearekiko distantzia edo kopurua kontuan hartuta erregulatu daitezkeen, farmazia eta estankoekin egiten den bezala, baina dakitena da komertzio txikia itotzen ari direla.  
Konponbide zaila, azken batean. Gure burua berritzen jarraitu be­harko dugu, eta arreta pertso­na­lizatu eta kalitatezkoaren alde egi­ten. Nahiz eta ezin gure burua en­gainatu; errezeta hauek gasta­tu­ta daude, dagoeneko. Bereziki, gaur egun, mundu birtualean na­bi­gatzea eta txolloetan onena arran­tza­tzea maite dugun honetan. Go­go­eta hauekin ez dut herriko ezkorrena bihurtu nahi; 20 urte da­ramazkigu liburudendarekin. Nahi dudana da, aukera eman di­da­te­nez, adierazi mostradorearen atze­an gaudenok nola sentitzen garen.