Diru-sarrerak bermatzeko errenta, justizia soziala eta elkartasuna

Diru-sarrerak bermatzeko erren­tak edo RGIak garrantzia nabarmena izan du  gi­zar­te-kohesioari heltzeko eta azkeneko 30 urteetan Eus­kadik jasan dituen krisi ekonomiko larriei aurre egiteko. Justizia sozialerako eta el­kar­tasunerako elementua izan da. 
Eskuinak dio etorkinek aprobetxatzen duten iruzur orokorra dagoela; baina datuek diote laguntzen %1ari bakarrik eragiten diola honek. 
Bestalde, ezker abertzaleak justizia sozialaren inguruko lezioak eman nahi dizkigu. Diru-sarrerak berma­tzeko errenta edo RGIa 1990an Eusko Jaurlaritzak martxan jarri zituen gizarteratze laguntzen oinordekoa da, Euskadiko langabezia-tasa %20aren gainetik zegoenekoa. Ezker abertzaleak beti defendatu izan ditu mota honetako laguntzak? EZ.
Orain Ezker abertzaleak eta populistek kritikatu egiten dute RGIa ez igotzea Madrilen erabakitakoaren ara­bera, hau da, lanbide ar­teko gutxieneko soldataren igo­eraren arabera. Igoera ho­rrekin Euskadin RGIa askotan gerturatuko litzateke zor­tzi orduz lana egiten duen pertsona baten soldatara, hartzaileari pizgarria kentzeko arriskuarekin. 
Alemanian diru-sarrerak bermatzeko errenta 391 eurokoa da, eta gutxieneko soldata 1473 eurokoa; Frantzian, 499 eurokoa da laguntza, eta gutxieneko soldata 1458 eurokoa; eta Britainia Handian, gutxieneko laguntza 303 eurokoa da, eta gutxieneko soldata, 1510 eurokoa. 
Euskadin, barne produktu gordinaren edo BPGaren %0,62a zuzentzen diogu RGIari, eta bestelako lagun­tza sozialei. Estatu espainiarrak %0,09a, eta Nafarroan, horretara zuzentzen zaio BPGaren %0,26a. 
Horrez gain, ezker aber­tzaleak eta populistek azaldu beharko lukete Euskadin zergatik eskatzen duten gutxieneko soldataren araberako igoera RGIarentzat, eta aldiz, Nafa­rroan, batera agintzen dugun lekuan, bidezkoa iruditu zaien %1,5a igotzea, KPIari edo kontsumoko prezioen indizeari dagokiona.