Historiak erakusten digu hainbat fenomeno errepikatu egiten direla ziklikoki, eta krisi ekonomikoak ere behin eta berriz pairatu behar ditugula. Krisi hauek amaitzean, balorazioak egin eta ondorioak atera ditzazkegu: boteredunak indartuta ateratzen dira eta herritarrok geroz eta eskubide gehiago galtzen ditugu.
Krisi testuinguru horietan, liberalismoak tentuz eraikitako diskurtso bat zabaltzen du, asmo txarrez osatua dagoena. Ez da kasualitatea, behin eta berriz errepikatzea desberdina dena arrisku bat dela; izan ere, errentagarriagoa zaie ideologizazio kriminal hori politika inklusiboak egitea baino. Horrela, sistemaren biktima arazoaren jatorria dela sinestarazten digute.
Aniztasuna aberasgarria da, bestearen egoeran jartzearen ariketa egitera baikaramatza. Aniztasunak, parekidetasunean, elkar onartzeko espazioak sortzeko eta eredu eraldatzaileak eraikitzen laguntzeko aukera ematen digu, horregatik saiatzen dira kriminalizatzen.
Giza Eskubideen Aldarrikapen Unibertsaleko lehenengo artikuluarekin amaitu nahi dut idatzi hau: «Gizon-emakume guztiak aske jaiotzen dira, duintasun eta eskubide berberak dituztela; eta ezaguera eta kontzientzia dutenez gero, elkarren artean senide legez jokatu beharra dute».
Gora Euskal Herria anitza!
Gorka Navarro Patterson