Salatzen dugu

Umetan, ume guztiak bezala, hatza erabiltzen genuen hi­tzek esaten uzten ez zigutena esateko. Hatza erabiltzen ge­nu­en  aitari gaileta bat eska­tze­ko gose ginenean; hatza erabiltzen genuen ilargia eta izarrak seinalatzeko, eta amak begiak argituta konta­tzen zigun hatzarekin seinalatuz konstelazio hura kaxiopea zela; hatza erabiliz ikasi genuen gustatzen zaiguna eskatzen eta gustatzen ez zai­gunari  uko egiten.
Bada gaur, hatz erakuslearekin seinalatu nahi dugu  es­petxe politika;  seinalatu nahi dugu euskal presoei eza­rritako kondenen urte gehi­garri bakoitza; hatz era­kus­learekin seinalatzen ja­rrai­tu  nahi dugu dispertsioa eta larriki gaixo dauden presoen egoera,  gaixorik gaudenean, guk ere behar izaten baitugu medikuen laguntza eta ingurukoen goxotasuna.
Gertatzen ari dena ez bai­ta paisaiaren parte. Horre­ga­tik, hatza jaso nahi dugu in­justiziaren kontra; hatza jaso nahi dugu arduraz, herritar garen aldetik gure ardura ere ba­delako gertatzen ari den bi­degabekeria seinalatzea.
Horregatik, hatza jaso nahi dugu jendarte hobea erai­kitzeko, elkarbizitzan, el­ka­rrizketan, errespetuan eta jus­tizian oinarrituko den jen­darte hobea eraikitzeko, alegia.
Hatz erakuslea jasota al­da­rrikatu nahi dugu hemen gau­dela, mundu honen parte garela. Ikus gaitzatela Madri­le­tik, Parisetik, Luxembur­go­tik… eta ikus gaitzatela iza­rre­tatik ere. Ikus dezatela he­men badela herri bat giza es­ku­bideen alde dagoena. Za­toz, eta jaso ezazu eskua gu­rekin.
Abenduaren 14an Bilbo­ra… autobusak arratsaldeko 15:30e­an aterako dira Her­na­ni­tik (Atsegindegitik). Txar­telak Depor, Txili, Garin eta Kitton salgai dituzue.