Iragan bi mendetan gure herriko marko politikoak eragin ditu liskar bortitzak, krisialdi luzeak eta sufrimendu ikaragarriak herritar askorentzat. Konponbidea beharrezkoa dugu.
Gure Esko Dago/BagaGiltza kideok uste dugu ataka historiko honetatik era libre eta baketsuan atera gaitzakeen bide bakarra Euskal Herriko hiritar ororen erabaki demokratikoa dela.
Nola gauzatu? (Hemen zegok koxka!) Bidea ez da batere samurra, badauzka ordea bi abantaila nagusi: Ezinbestekoa da; eta aukeran, bakarra. Gainera, baditu hiru euskarri garrantzitsu urrats sendoak eman ditzagun aukera eskaintzen digutenak: 1.- Herri bat gara; 2.- Erabakitzeko eskubidea dugu; eta 3.- Hiritarron garaia da.
Hernaniarrak eta Astigartarrak beren sinaduraz bidelagun izanik, 2017ko martxoaren 19an herri kontsulta burutuko dugu. Jada, lanean dihardugu egun horretarako. Buru-belarri gabiltza zerrenda luzea osatzen duten beste hainbat udalekin, eta bat egiten dugu kanpoko zenbait herrialderekin hiritar subiranotasun marea erraldoi horretan.
Sinatzeari uko egitea erabaki baduzu, errespetatuko dugu zure hautua. Zure sinadura keinu bat bada, eskertuko dizugu. Herriaren ilusioz partekatzeko ekintza izanik. Bejondeizula! Elkarrekin ospatuko baitugu.
Gure Esku Dago/BagaGiltza. Hernani eta Astigarraga herri kontsultarako hiri plataforma.