Ugaitz etxera, konponbidea orain!

Gaur, hernaniar bat epaituko dute estatu fran­tsesean: Ugaitz Errazkin. Epai­keta testuinguru politiko kez­ka­garrian dator. Gatazka politikoaren konponbidea eta Eus­kal He­rri­a­ren bake justua lor­tzeko alde bat ahalegin handiak egiten ari da. Beste aldea, aldiz, ga­taz­ka eta sufrimendua luza­tzeko etengabeko sa­bo­taje zu­ze­nak egiten eta oztopoak jar­tzen ari da.  Horre­tarako, ar­ma­gabetzea bururaino eraman nahi duten ETAko kideak ere atxilotuz.
2011ko urrian, Aieteko Na­zioarteko Konferentzia eta hi­ru egunera, ETA erakundeak konponbiderako urratsak ema­teko prestutasuna, konpromisoa eta desioa agertu zituen. Helburu horrekin, al­de­bakarreko ekarpen kualitatiboa egin zion aro politiko berriari, behin betiko armak alde batera utziz. 
Zentzu berean, eta Euskal Herriko Foro Sozialaren go­men­dioei erantzunez, Ugaitz Errazkin gure herri kidea parte den Euskal Preso Politikoen Kolektiboak hausnarketa egin eta konponbide prozesuari ekarpena egiteko bere posizioa finkatu zuen 2013ko abenduan adierazpen bat kaleratuz. 
Baina, konponbidearen aur­kako erasoz josi dute gure agenda: errepresioa, indarkeria, atxiloketak... Epaiketa ere testuinguru politiko honetan kokatzen dugu. Espetxeak husten joateko garaia denean, espetxeratzeak edo espetxe al­di luzapenak ematen dira. Sa­ka­banaketarekin amaitzeko es­karia Euskal Herriko ideologi desberdinetako herritarren ahotan dagoenean, urruntzeak areagotu egiten dira, mendekuz beteriko espetxe politika kriminala erabiliz. 
 Hernaniar guztiok bakean eta aske izateko unea iritsi arte ez dugu esperantzarik galduko eta lanean jarraituko dugu. Gatazkaren jatorria politikoa da, beraz, konponbide politikoa eskatzen du eta ho­rrelako epaiketek ez dute lekurik norabide horretan. 
Une hauetan, Ugaitzi eta haren senideei babesa eta elkartasuna adierazteko eta konponbidearen norabidean horrelako eraso gehiago ez dugula nahi adieraziz, gaur 19:30etan Plaza Berrin antolatu dugun batzar informatiboan eta ondorengo kontzentrazioan parte hartzeko deia luzatu nahi diegu hernaniar guztiei.