Urtero bezala, hemen dira, iritsi dira dagoeneko... eta oraindik badago sagarrik zuhaitzetan, sagardoa egiteko jasotzeko zain, eta urruti dago txotx denboraldia.
Betiko istorioa da, baina kapitulu desberdina. Irailaren 17tik 18rako gauean eskandalua bueltatu zen Hernaniko Andrekalera.
Euriak ezin izan du haiekin, eta animoa indartuta bueltatu dira. Eta aldiroko gogaikarria, salatzen duen hau dela badirudi ere, batzuk hitzak aldatu eta esan nahi dugu gogaikarriak direla, orden honetan: bisitatzen gaituzten alprojak; etortzen laguntzen dietenak, beraien negozioa besterik ez baitzaie inporta; modu horretan portatzen uzten dietenak. Dagokien lana ondo egin gabe irabazten dute batzuek soldata. Ondo dakite haiek, nor diren, baina batzuk aipatuko ditut; ez denak, eta hona hemen azalpena:
Udaletxeko jaun-andereak eta alkatetzakoak, egingo dutenari buruz idazten ausartzen direnak eta gero, betetzen ez dutenak. Gezurra esaten digute.
Zinegotzi batzuk, esaten digutenak bide-orri bat badutela, gero aplikatzen ez duten arren. Engainatu egiten gaituzte.
Berriak elkarteko jaun-andereak, lotsarik gabe gezurra esaten digutenak eta eskatzen dutenak arauak betetzen ez dituztenak gogor hartzeko (gehienak Berriakeko bazkideak dira eta!), eta gero, arauak betetzen ez dituztenak babestu eta festa luzatzea eskatzen dutenak.
Gogora ekar ditzagun udal arau bazuk:
Gogora dezagun Hernaniko udal ordenantza, herritarren arteko bizikidetza eta kalearen erabilera eta garbiketa erregulatzen duena.
I. Kapitulua. Xedapen orokorra.
7. Artikulua. Droga eta alkoholdun edarien kontsumoa. Debekatzen da:
b) Ostalaritzako establezimenduek edariak saldu edo banatzea kanpoan kontsumitu daitezen, ez bada terraza edo dagokion baimena daukaten tokietan.
c) 18 urtetik beherakoei alkoholdun edariak banatu, saldu edo kontsumitzea, salmenta edota kontsumo lekuetan.
10. artikulua. Debekatzen da bide publikoak zikindu ditzaken edozer egitea, eta bereziki debekatzen da: edalontzi, botila edo freskagarrien ontziak uztea. Botila, botila txiki, edalontzi eta ontziak bide publikora botatzea.
Zenbat urte daramazkite gure udal arduradunek bisitari gogaikarriak defendatzen eta hauen eraginak jasaten ditugun bizilagunak baztertzen?
Eta bukatzeko, galdetzen dut: gure zergak ere badira hernaniarren deskantsurako eskubide legitimoa defendatzeko?
Animo, udaletxeko jaun-andereak; nahi baduzue, egin dezakezue.