Ongi Etorri Hernanira! Ereñotzuko paraje ederretara datozen bisitariei ongi etorria egiten dien kartelak ondo baino hobeto azaltzen du hondakinak nola sailkatu behar diren. Bertan aipatzen da: “eskatzen dizugu zuri: sortzen dituzun hondakinak gaika jaso eta dagokion edukiontzian uztea. Harrerako ontzietan utzi sailkatuta”. Baina non daude ontzi horiek? Dirudienez bisitariek hori irakurri eta “hemen utzi zaborra” ulertzen dute. Horrela, edozein txokotan poltsak ageri dira.
Urteak dira Ereñotzuko auzotarrek udararo arazo hori jasan behar dugula. Eguraldi onarekin batera zabor poltsa ugari ageri dira Ereñotzuko txoko askotan, egun batzuk pasa eta agertu bezala desagertu egiten dira hurrengo zabor poltsei lekua uzteko.
Aurten jarritako kartel informatibo horiek ez dira nahikoa arazoa konpontzeko, pausu bat eman da- ondo!- baina arazoa guztiz konpontzeko pausu gehiago eman behar dira. Gure auzoa urte guztian zehar garbi eta txukun ikusi nahi dugu eta!
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!