2016ko San Joanetako zezen-txiki eta sokamuturarren antolakuntzak, jaien aurrekontu osoa kontuan izanda, 10.000 euro baino gehiagoko kostua izan du.
27ko sokamuturraren argazki bat ikusiko bagenu gizon gazte harrotu batzuk ikusiko genituzke plazaren espazio zentrala okupatzen; emakumeak hesien atzean; eta azkenik, haur multzo harritu bat zuhaitz baten kontra kolpea jaso ondoren adarra galdu eta odola barra-barra darion zezen bati begira.
Eraso sexistarik gabeko jai batzuk eskatzen ditugun arren, eguneko lehenengo ospakizunean gizabanako bakoitza inposatutako rolean berrezartzen dugu.
Ez dut nahi umeek sinestea, jaia animali bat torturatzea denik; ezta ere, ospakizuna izatea gizonak txalotzea plazaren erdigunea okupatzeagatik; eta ezta ere, jaiaren parte izatea emakumeak ixkinetan egotea, jarrera pasiboarekin. Ez dut nire zergekin emakumeek parte hartzen ez duten ekintzarik ordaintzerik nahi.
Dagoeneko existitzen dira ekintza dibertigarri eta partizipatiboak, Diana eta Azeri Dantzaren arteko denbora betetzeko; inguruko herrietan ikusi dezakegu hori. Kopiatu ditzagun beraien ekarpenak edo berriak asmatu ditzagun, urte bat dugu aurretik.