Aukerak zabaltzera goaz

Hezkuntza gizartearen ar­datz nagusienetako bat da, ez dago zalantza izpirik. Gure seme-alaben etorkizuna mo­mentu honetan gure eskuetan dago, eta ezin dugu geldirik egon LOMCE eta marko berdinean kokatu den Hezi­berri egitasmoak nola txertatzen ari diren ikusita. Eta horiei aurre egiteko bide bakarra ikusten dugu: gure herrian gure hezkuntza eredu propioa garatu beharra daukagu; hezkuntza propio baten alde egin behar dugu apustua, ebaluazioa jarraian izatea nahi dugulako, errebalidarik ez; heziketa inklusiboa nahi dugulako eta ez baztertzailea; pertsona kritiko eta libreak nahi ditugulako ez eduki erabat uni­for­mizatu eta estandarizatuak dituztenak; ikastetxeak ekinez ikasiz jarduteko gu­neak direlako ez frogak prestatu eta horiek gainditzeko sasi-akademiak; barne ebaluazioan sinisten dugulako eta ez kanpo ebaluazioan; ez dugu ikastetxe ez ikasleen rankingik behar, guk di­men­tsio pedagogikoetan sinesten dugu.
Hori guztia ahalbidetu du­tenen alde egin nahi dugu eta horregatik, hezkun­tza arloan aukerak za­bal­tze­ra goazelako, bozka ezazu EH Bildu datorren ekainak 26ko hauteskudeetan, Ma­drilen ere zer esana badugu­la­ko, gure eskubideak aldarrikatu nahi ditugulako, gu­re seme-alabek merezi du­te­lako, eta batez ere, euskal gi­zarteak benetako herri hezi­tzailea eraiki behar duelako.