Irati Etxeberria Aldabe eta Leire Ormazabal Agirre; Hernaniko Akelarrea
Arkupetan egin genuen entsaioaren harira, hainbat ohar azaldu nahi ditugu:
Alde batetik, aurten inoiz baino ume kopuru handiagoa ikusi dugu eta ezinezkoa da denok batera kalejiran dantzatzea (sorginak eta galtxagorriak).
Horregatik, aurten galtxagorriak kalejiran aurreko urteetan bezala joango dira, hau da, zona konkretu batzuetan kalejiratik ateratzeko aukera izango dute maxkuriekin jolasteko, sorginak dantzan dauden bitartean.
Galtxagorriek dantzatzeko duten ilusioa ikusirik, plazan besteekin batera sorgin dantza egiteko aukera izango dute.
Beraz, galtxagorrien dantza entsaio bakarra ekainaren 21ean, asteartea, 18:00etan arkupetan izango da. Plazan dantzatzea borondatezkoa denez, nahi duten galtxagorriek bakarrik hartuko dute parte.
Bestalde, ekainaren 22an, hurrengo eguneko eguna antolatzeko, taldeak egiteko alegia, bilera egingo dugu, gurasoekin. 18:30etan arkupetan izango da. Bertan, maxkuriez eta diru kontuez hitz egingo da. Oso garrantzitsua da gurasoak bertara azaltzea.
Entsaio eta bileretan elkar ikusiko dugulakoan,
Gora Hernaniko Akelarrea!