Beste behin, saldu nahi digute ekainaren 26ko hauteskundeetan balio izango duen bakarra dela PP, PSE, Podemos edo Ciudadanos bozkatzea.
Alderdi horietako bakar bat ere ez da gogoratuko Euskadirekin, ez debatean, ez proposamenetan, eta ez beste ezertan. Gehiago ere esango dut. Alderdi hauetako bik baino gehiagok, Euskadi hartuko dute eredu, estatua hobetzeko proposamenak egiteko. Horrek esan nahi du Espainiarentzako nahi dutela dagoeneko hemen lortu duguna, eta guregan pentsatzen dute, soilik, gure botoengatik.
Euskadin aurrera egiten jarraitzeko, ordezkaritza sendoa izan behar da Madrilen. EAJ-PNVren helburua beti izan da hemen bizi garenon ongizatea, eta gainontzekoekin solidario izatea.
Alderdi estatalak bozkatu beste aukerarik ez dagoela sinestu nahi duena erortzen ari da PP, PSE, Podemos eta Ciudadanos alderdiek sortutako trama mediatikoan. Honen helburua da, batetik, sinestaraztea hauteskunde hauek ez direla garrantzitsuak gure herriarentzat, eta bestetik, ezkutatzea EUSKADI eta bere ordezkariak badirela.
Gure lurraldean aurrera egiten jarraitu nahi badugu, pentsatu beharra daukagu non eta nola bizi garen, eta nork markatu duen, gehienbat, egungo errealitatera ekarri gaituen herrialde ikuskerako politika.