Hernaniarroi,

Azken asteetan Fresnesko es­pe­txean suertatu den egoera­ren aurrean, dakizuenez Ti­lo­setan Ekartasun Gune bat sortu zuen herritar talde ba­tek. Elkartasun Gune honetan aktiboki parte hartu du­gun herritar batzuk hiru pun­tu plazaratu eta azpimarratu nahi genituzke.
Lehenik eta behin, gure esker ona adierazi nahi genizueke Gunera hurbildu zareten eta borrokan zeuden presoei zuen babesa adierazi diezuen herritar guztiei, jardueretan parte hartu dutenei (hitzaldiak, musika ekitaldiak, mahai inguruak...) eta be­ra­uek antolatu eta dinamizatu dituztenei, bai eta Her­naniko Udalari ere eman­dako erraztasunengatik. Zuek de­nei es­ker lortu da egunez egun El­kar­tasun Gu­nea herri mugi­men­du ireki, parte hartzaile eta herrikoia bihurtzea (ahal izan den neu­rrian). Argi geratu da bes­te behin salbuespenezko legediek ez daukatela tokirik Hernanin. Neurri haue­­kin amaitu beharra dago bene­ta­ko bakea eta elkarbizitza po­si­ble izan daitezen. Zen­tzu ho­rretan euskal preso po­li­tikoak kalera ateratzea eta ihes­lariak Euskal Herrira buel­­­tatzea aldarrika­tzen du­gu.
Bestalde, Elkartasun Gu­nea bultzatu dugunok autokritika egin behar dugu. Ego­e­raren larritasunak bultzatuta, batzuetan ez dugu jakin izan borroka molde edota propaganda metodo egokiena erabiltzen, ez eta agian nahi genukeen bezain irekiak eta abegikorrak izaten. Hobetu beharreko aferak dira eta lanean jarraituko dugu hurrengo batean berriro jazo ez dadin saiatuz.
Azkenik, herritar oro dei­tu nahi genuke Hernanin dau­den borroka desberdinetara lotzera; gaur egun bizi dugun egoera sozial, politiko eta ekonomikoa erabat jasang­aitza da eta herritarrok erantzukizun bat daukagu. Paso egitea ez litzateke aukeren barruan sartu behar bestelako eredu sozial bat posible dela benetan sinesten dugunontzat. Bakoitzak ahal duen neurrian bere ekarpena eginez Hernani herri aktiboagoa eta borrokalariagoa izatea lor dezakegu. Sinetsi posible dela!