Duela urtebete edo, Hernaniko esku pelota eskolako guraso batzuek, taldetxo bat osatu genuen. Gure sorreraren helburuak, pelota eskola girotzea, esku bat botatzea eta bide batez, ekarpen ekonomiko bat egitea izan dira.
Frontoia girotzeko asmoz, taberna txiki bat jartzen hasi ginen partiduak dauden egun batzuetan. Bertan edariak, kafea eta pintxoak eskaintzen ditugu. Bestalde, enpresa, harategi, taberna, denda eta abarrekin hitz egin dugu eta propagandaren trukean, dirua, konbenioa eta espezieak jasotzen ditugu. Eskerrak eman nahi dizkiegu guzti hauei barru barrutik, beraien ekarpenagatik. Haien logoak zintzilik dauzkagu pelotalekuko sarean.
Idatzi honekin bukatzeko, herri guztiari pelotalekura hurbiltzeko deialdia egin nahi diogu. Jakin, ia astebururo partiduak daudela, eta gehienetan, herriko haurrek jokatzen dutela. Haurren San Joanetako txapelketa jokatzen ari da, eta maiatzaren 27ko asteburuan jokatuko dugu herrian, Adunaren aurka. Animatu eta etorri gure kulturaren parte den kirola ikustera!