Amnistiaren NORABIDEAN preso eta iheslari politikoak ETXERA!!

Apirilaren 17an preso politi­ko­en nazioarteko eguna izan­go da, gatazka politikoen ondorioz espetxea mundu osoan pairatzen dutenen omenez antolatua, eta euskal presoen izaera guztiz politikoa da. Hau ukaezina da. Borroka politikoak euskal borrokalariak espetxera eraman zituen, Euskal Herrian dagoen gatazka politikoaren ondorioz. Borroka honek oi­narri politikoa du.
Apirilaren 17an Bilbon ma­nifestazio nazionala bu­ru­­tuko da eta eguerdiko 12e­tan La Casillatik abiatuko da. Euskal preso eta iheslari guztiak etxeratzeko ekimen oro beharrezkoa da, baita legearen bidetik izan daitezkeen aukerak ere. 
Euskal preso eta iheslariak gure artean lehenbailehen nahi ditugu, beraien in­dar, lan eta ekarpenaren be­ha­rra dugulako, Euskal He­rri­aren burujabetasunaren al­deko borrokan gurekin ba­tera jarduteko.
Luzaroan euskal presoek salbuespen egoera pairatu dute, baina egoera hori ez da oraindik desagertu. Gaur egun ere, euskal gatazka po­li­tikoaren ondorioz, euskal pre­soek salbuespen neurri gogorrak pairatzen dituzte, eta beraien eskubideak bazterrean gelditzen dira. 
Euskal borrokalarien aur­ka­ko mendekua nahi zuten eta legea oztopoa zen. Hau onar­­tezina da. Salbuespen neu­rri bereziak indargabe­tze­ko garaia da eta euskal pre­so­en legezko eskubideak in­da­rre­an jarri behar dira. Legea ezin da botere politikoaren esa­netara makurtu. Le­gea ezin da ulertu gerlaren ja­r­du­e­ra itsuan murgildurik. Legea be­tetzea euskal preso eta ihes­la­rien eskubidea da. Hortaz, le­gea bete dezatela. Legea be­raiek sortu zuten eta salbuespen neurri gisa erabili gabe bete egin behar dute. Euskal Herriko gatazka politikoaren atal luze, gogor eta mingarriena ixteko justizia transizionala beharko litzateke gurean. 
Beraz, euskal preso eta iheslarien eskubideak aldarrikatzeko eta Euskal Herriko seme-alaba kuttunak diren horiek etxeratzeko,  Bilbora joateko deia luzatzen diegu hernaniarrei.
Anjel Pikabea Ugalde, Araitz Zubimendi Izaga, Iraitz Santa Kruz Ugalde, Juanpe Plaza Lujanbio eta Ekhi Oñate Arrozpide