Kale eta herri garbia, denon ardura eta desioa

PSE-EEk kaleen garbitasun fal­ta salatu du. Gobernu taldeak onar­tzen du zerbitzu horrek hu­tsuneak izan bazituela, bai­na PSE-EEk ez du aipatzen az­ken hilabetetan Udala esfortzu berezia egiten ari dela zerbi­tzua hobetzeko. 
Azkenaldian, plaza eta ka­leetako ohiko garbiketaz gain, garbiketa sakonak ere egin ditugu, besteak beste, Atzietan, tren geltokirako jaitsieran, Kax­koan, Biteri plazan, baita irristagarri zeuden zenbait espa­loietan ere. Zer egina badago, baina pausoak eman ditugu.
Urteetako krisialdiak eragin zuzena izan du udal aurrekontuetan eta horrek kale garbiketa zerbitzuan ere eragin du. Horrek, seguruenik, zenbait hutsune sortu ditu.
Garbiketa garrantzitsua da herritarrentzat, eta Gobernu tal­dea sentipen horrekin bat dator. 2017an bukatuko da Uda­lak garbiketa enpresarekin du­en kontratua. Denbora tarte ho­rretan, Udalak zerbitzua azter­tuko du. Bitartean, Udal gobernuak maiatzean aukera du egun indarrean dagoen kontratua berrikusteko eta enpresari hobekuntza batzuk eskatu dizkiogu: adibidez, uda­ko oporretan langileak ordezkatzea, orain ez bezala; San Joan jaietan orain arte Kax­ko­an egiten zuten garbiketa be­rezia erdigunera ere zabaltzea (Lizeaga kalea, Izpizua, Urbieta osoa,…); auzoetako garbiketa areagotzea; udazkenean, hostoak pilatzen direnean, ubideak garbi mantentzea; garbiketa bereziak, beharrezkoak dire­nean, herriko beste lekuetara hedatzea.
2016ko aurrekontuan garbiketa zerbitzua hobetzeko 50.000 euroko partida aurreikusi du Udal taldeak. Nahikoa izango ez balitz, apirilean aurrekontuetan egiten diren egokitzapenetan partida handitzeko aukera izango dugu.
Kaleak, plazak, parkeak eta auzoak herri baten ispilu dira eta horiek txukun eta garbi mantentzea herritar guztion eginkizuna da. Udalak dagokion ardura hartuko du.