Guraso maitea

Hezkuntzaz ari garenean, zu zara zutabe nagusia, eragi­lerik garrantzitsuena. Hau ahaztu egiten da batzuetan, hezkuntza ikastetxeei dagokiela pentsatuz. Ama, aita edo harrera gurasoa bazara, egunero duzu beste pertsona baten ongizatearen eta garapenaren ardura. Gazte horren­tzat, zu zara oinarrizko erreferentzia.
Ikastetxea gero dator. Ber­tan ikasten dute gazteek hurkoen artean harremanak ga­ra­tzen; norbere etxeko ohiturak eta besteenak ezberdinak izan arren, elkarbizitzarako zubiak eraikitzen. Ikaste­txe­ek eskertzen dizuete, etxeko altxo­rrik preziatuena du­zu­en hori bertako ikasle izan dadin erabaki izana.
Guk ere, eskertu nahi dizugu eguneroko zure ahalegina, konfiantza eta eskuzabaltasuna. Eskerrik asko! Arremanitz kooperatiba gara gu. Urtez urte, Harremonak egitasmoa garatu dugu, Udaleko Berdin­ta­sun Sailaren eskutik. Bakoi­tza eta besteak garen bezala onartzetik, guztion bizimoduak errazagoak eta atseginagoak izatea nahi dugu.
Bide horretan, Tratu Onen sarea ehuntzen goaz, Herna­niko hezkuntza komunitatea osatzen dugun eragileekin. Zu ere eragile garrantzitsua zarela uste dugu. Horregatik, hi­tzordu batetara gonbidatu nahi zaitugu. Bertan, nerabeak eta komunikazioari buruz arituko gara. Beste gurasoekin esperientziak eta baliabideak partekatzeko modua izango duzu. Zure nahiak eta beharrak zein diren ezagutu nahi ditugu; eta ondo merezita dituzunak eskaini: esker ona, arreta, adorea eta laguntzeko prestutasuna.
Saioa: otsailak 24, asteazkena, 17:30tatik 19:30tara, Pla­za Feministan (aristizabal 7).
Izena emateko edo zalan­tzak argitzeko: ibon.adm@ arre­manitz.eus edo 625035720.
Laster elkar ikusiko dugulakoan, jaso agurrik beroena.