Duela hamar urte elkarte bat sortzea pentsatu genuen, kanpotarrak Hernaniko gizartean txertatzen laguntzeko. Atzerritarrek bidegabea zen atzerritar lege baten aurka egin behar izaten zuten borroka hona iristean, eta gure nahia bide hori erraztea izan zen. Gure herriko gizartearen kohesioak ere mugitu gintuen bide honetan, aurreiritziek ahuldu baitzezaketen kohesio hori.
Ez genuen imajinatu ere egiten prozesu honek guztian emango ziguna. Hain ezberdinak, eta era berean, hain berdinak diren pertsonei gure pentsamendua ireki genien. Balio haundiko pertsonak ezagutzeko aukera izan dugu, interesgarriak dira, maitagarriak. Mundua gehiago ezagutzeko aukera izan dugu; eta baita ere, haien jakiak probatzekoa. Gertutasunak haiek maitatzera eraman gaitu, eta gure herrira etorri izana eskertu besterik ez dugu.
Ez genuen imajinatu ere egin, AMHER gure herriko erreferente bilakatu zitekeenik. Eta onena izan da sentitu dugula, inor soberan egon ez arren, ezinbestekoak ez garen momentua iritsi dela. Egunero erakusten diguzue.
Eskerrik asko, Firuza, Naran, Ana, Fatima, El Bachir eta festa honen antolaketan parte hartu zenuten guztiei. Eskertzen dizuegu egin diguzuen omenaldi hau; baina eman dizuegun guztia soberan bueltatu diguzue urte guzti hauetan zuen ardura eta maitasunarekin. Mila esker, gracias, sucran...