Independentziara bildu

Euskal Herria Indepen­dien­tea, hori da euskal herritar askok dugun nahia eta sentitzen  dugun premia eta beharra. Hala ere askok esaten didate Euskal Herria lokartuta  bezala dagoela. «Begira Katalunia, eta guk zer?». Galdera hau sarritan entzun izan da gure herriko txoko askotan. Zer egin? Nora jo? Eta erantzun bakarra dago nere ustez. Lana egin behar dugu. Lana gehiago eta hobeto egin behar dugu.
Zorionez  herri honek gauzak aldatzeko  duen ahalmena behin eta berriz erakutsi du eta nere ustez egoera iraultzea lortuko dugu. Hor daude aztarnak, hor daude hainbat eta hainbat borroka politiko, soziala eta kulturalak non gero eta argiago isladatzen den gure erabakiak guk hartu behar ditugula eta euskal gizartea aske nahi badugu, herri aske eta independentea izan beharko dugula. Bestela erabakiak beti Madrilen edo Bruselasen edo Estatu Batu­e­tan hartuko dira.
Eta independentziaren aldeko bidean norberak, ba­karrik, ematen duen  urrats bakoitza garrantzitsua da. Baina elkar hartuta urratsak biltzen baditugu bidea arinagoa izango da. Horregatik garrantzitsua da Abenduaren 6an Bilbon elkartzea. Inde­pendentziaren bideari ekiteko prest gaudela ozen aldarrikatzeko. Indartsu adierazteko herri honek bere buruaren jabe izan nahi duela. Bere buruaren jabe Euskal Herria hobeagoa, justoagoa eta  askeago batean bizitzeko. 
Baina jakin behar dugu abenduaren 7an ere jarraitu beharko  dugula independentziaren bidea jorratzen Eta abenduaren  20a ere iri­tsiko da eta horretan ere erantzuna ozena emango dugu. Eta abenduaren 21an, eta 22an eta… Bidea luzea dela badakigu, baina bidaia guztiak lehen urrats batekin hasten dira.
Ekin indepen­dentziari. Bildu independen­tziara.