Azaroak 25, indarkeria matxisten kontrako nazioarteko eguna

Langile klaseak garai latzak bizi ditugu,  korrupzioa eta zerbitzu sozial eta publikoen murrizketak etengabeak di­ra. Inboluzio garaiak, non ur­te askotako borrokari esker lortutako eskubide eta askatasunak  galtzen ari garen.

Pertsona helduok eta pentsiodunok giro horren adierazle gara. Kasu gehienetan, emakume helduok gara muturreko egoeran  bizitzea behartuak,  600 eurotara iristen ez  diren miseriazko pen­tsioekin edo pentsio publikoak izateko aukerarik gabe kotizatutako enplegua eduki ez dugulako. Guzti hori   lan  erreproduktibo eta zaintza lanaz  arduratu behar izan du­gulako.
Gure diskriminazio egoerak estrukturalki genero in­darkeria sufritzera kondenatzen gaitu. Indarkeria hau isilpean daramagu emakume heldu askok eta Duin­tasuneko emakume eta gizonak ikusarazi nahi dugu azaroaren 25 honetan.

2015eko Emakumeen Mun­du Martxak, salatu du milloika emakume garela humilazioak, irainak, gure diruaren kontrola edo honen gabezia, jipoiak, sexu abusoak eta erailketak jasan behar izan ditugunak , eta hau benetazko feminizidioa be­zala jo dezakegu. Mugi­mendu feministaren bo­rro­kari esker , emakume asko eraso hauek salatzeko gai dira, erasotzaileei aurre eginez bai bakarka eta kolelektiboki. Ha­la ere, emakume helduok ahul­­dade egoeran gaude:  ba­bes eza, lotsa, gure zahartzaroan baztertuak izateko beldurra, salatzeko sostengu ezak... Guzti honek,  indarkeria matxista bere gordintasunean su­fritzen duen emakumeen ko­lek­tiboa izatea behartzen gaitu.

Euskal Herrian ere egoera antzekoa da. Gai honi lotutako Euskal Gobernuko azken ikerketak dionez 65 urtetik gorako 10.000 emakumek tratu txarrak jasatzen ari dira  Araban, Gipuzkoan eta Bizkaian. Txos­tenak dionez tratu txar hauek gehienetan familia giroan ematen dira; bikotekideak, seme-alabak edo zaintzaileak dira erasotzaileak askotan. Egiazko datuak dira baina ez da benetazko errealitatea. Emakume asko isilpean sufritzen ari da,  ahotsa altxatzeko beldurrez, babesik gabe... eta emakume horiek ez daude datu ofizialetan.

Euskal Herriko Eskubide Sozialen Gutunak dion bezala Duintasuna Elkarteko gizon eta emakumeok,  emakumeen kontrako edozein indarkeriaren aurka lan egiteko konpromisoa dugu.
Jakin badakigu gizon edo emakume izateak eskubide, betebehar eta aberastasunaren banaketarekin zerikusia ez duenean, hau da jendarte libre batean bakarrik,  indarkeria matxista menpekotasun tresna gisa desagertuko dela.

Horregatik, Euskal Herriko eta Munduko emakume helduok indartuz eta antolatuz gure besoak eta ahotsak altxatuko ditugu ASKI DA!!! esanez.