Irakurtzen ez badut, ez dut sinesten

Ez dakit Orain Hernanik (OH) pentsatzen ote duen udal ku­de­aketarik ez dela izan be­raiek iritsi diren arte, baina da­tu bat eman besterik ez dut egingo; 2009an, Atez Ate­koa lantzen hasi zenean, EAJ-PNVk eskatu zuen mar­txan jartzeko 5garren edukiontzia. Egiazko proposamena eta argumentatua zen eta da, eta gainera, erreferenduma babesten dugu, lehen eta orain. Sistemaren­tza­ko alternatiba egingarri ba­karra da, bizilagunak in­for­matzea eta kontsulta.
Ingurumena hobetzeko konpromisoa EAJ-PNVko kide GUZTIEK daukagu, demagogiarik egin gabe eta inorri ohore egin gabe.
Argi dago 100 egunetan OHk ez duela ezer ulertu. Egia da Bilduk alderdi guztiei eskaini zigula Udal Gobernu Batzordea osatzea, baina tradizioan, gobernatzen duten partiduek osatzen dute, eta ez da OHren kasua. Bertan gertatzen denari buruzko informazioa alderdi guztiok daukagu; bertan erabakitzen da alderdi guztiok parte har­tzun dugun komisioetan landutakoa, edo alkateak horretan delegatutakoa. Gogora­raz­ten dizuet erabakitze or­gano horretan Bilduk ge­hien­go absolutua duela. Agi­an, OHrentzako oso ondo gelditzen da esatea Udal Gober­nu Batzordean parte hartzen duela, baina Bilduk gehiengoa duen Plenoan gertatzen dena ikusita...
100 egunetan OHk ikasi duena da demagogia erabil­tzen eta «iraganari lotuta gelditutako alderdi» bururen baten esaerak erabil­tzen. Us­te dut Orain Hernanik asko ikasi lezakeela 2003-2007ko legegintzaldian gobernu eta oposizioaren (liberatu eta dietekin) artean egin zen lanetik. EAJ-PNVk parte har­tu zuen udal gobernu horretan.
Badirudi gezurra edo ezjakintasuna direla OHren beste ezaugarrietako bat. EAJ-PNV da Hernaniko alderdi bakarra, azken hiru udal hauteskundeetan boto eta zinegotzi gehiago lortu dituena. 2007-2011n, 2 zinegotzi; 2011-2015ean, 3 zinegotzi; eta 2015-2019an, 4 zinegotzi. OHren «desinformazioa» ikaraga­rria da!
Gaizki hasi dira politika egiteko modu berri bat erakutsiko digutela esaten du­ten alderdi berri hauek, eta gure salbaziorako giltza dutela konbentzituta dauden hauek.
EAJ-PNVtik gure aldetik jartzen eta lanean jarraituko dugu, hernaniar guztien onerako.