Denok irabazle, Hernani Erabaki prozesuan

Ezer baino lehen, ondorengo le­rroak iritzi edo ikuspuntu bat bes­terik ez direla argitu nahi dut.
Hernani Erabaki prozesuaren harira, hausnarketa bat egin nahiko nuke.  Auke­ra­tze­ko dauden 32 proposamenetatik bik, 420 mila euro behar dituzte eta beste 30 proposamenak batuta, 440 mila euro.
Hau ikusita, eta proposamen guztiak errespetatuz, he­rritarroi 5garren eta 28ga­rren proposamenak ez hautatzea eskatzen dizuet. Arra­zoia? Bi hauek ez badira ateratzen, beste guztiak egingo dira eta era horretan herritar gehiagorengan eta auzo guztietan izango du eragina prozesu honek. Denok irabazten dugu. Bestetik, argitu behar da, Tilosetan egitea proposa­tzen dena (5. aukera), lurra aldatzea besterik ez dela, eta urte gutxi batzu barru, egindakoa puskatu eta dena aldatzea aurreikusita dagoela (230.000 euro zaborretara). Bestalde, Kaxkoan eraikin bat erosi (28. aukera, 180.000 euro) eta gazteentzat etxebizi­tzak egiteak, oso pertsona gu­txi­rengan dauka eragina. Hau dena esanda, aukera guztiak errespetatuz, parte hartzera animatzen zaituztet.