Sahara: hiru albiste diplomatiko

Hassanna Aalia saharar errefuxiatuaren atxiloketaren be­rri izan nuen atzo arratsaldean. Gauean, aurreko egunetako egunkariak irakurtzen ari nintzela, hiru albiste ha­uekin egin nuen topo:
1.-Marokoko Gobernuak sue­diar konpainia guztiei boikota egingo diela iragarri du. Joan den asteko asteartean, irailak 29, Casablancako Gober­nu Zibi­lak IKEAren merkatal gune ba­ten inaugurazioa galarazi zuen suediar enpresari ziurtagiri bat falta zitzaiolako. Hurrengo egunean agerraldia egin zuen Go­bernuko bozeramaleak: "Boi­ko­tak arrazoi politiko eta ekonomikoak ditu, Suediak denbora asko darama marokoar konpainien interesak kaltetzen EBean. Marokoar Gobernuak uste du Suediako Legebiltzarra Saharar Erre­pu­blika aitortzeko egitasmo bat onartu nahian dabilela, eta Marokok ez du bere egonkortasunaren, bere lurralde batasunaren eta bere interes komer–tzialen aurkako meha­txurik onartuko".
Suediako Enbaxadak argitu nahi izan zuen bere Go­bernuak ez duela Men­de­bal­deko Sahara Estatutzat onartu, baina gaiari buruzko azterketa politikoa egiten ari direla suediar gizartean ara­zo honen inguruan piztu den interesagatik.
2.- Joan den asteko asteartean hamar saharar gazte independentista atxilo hartu zituzten, Dajlan, Hasan al Uali preso independentistaren heriotzaren lehen urteurrena oroitzeko kalera irten zirenean. Al Uali Dajlako Ospitale Militarrean hil zen, 43 urte zituela, medikuntz-arduragabekeriaren ondorioz.
3.- Urriaren 1ean, NBEa­ren 70. urteurrena ospatzen zen egun berean, Marokoko Errege Mohamed VI.aren hitzaldia en­tzun zen erakundearen Batzar Nagusian, Mulay Rachid oinordeko printzearen ahotik. Erre­ge­ak argi utzi nahi izan zuen uko egingo diola Saharari buruzko arduragabeko edozein abenturari. Ohartarazi zuen NBEaren lanak ez duela ezegonkortasun faktore izan behar kooperazio aldeanitza bultza­tzen duten herrialdeentzat. Eta itxaropena agertu zuen NBEa ahalegintzen jarraituko dela desadostasunak bide baketsutik konpontzeko, herrien lurralde osotasunarekiko duen konpromezuari eutsita.
Sahara aipatu orduko de­seroso, urduri eta erasokor jar­tzen da marokoar Erresuma.
Marokoar Estatuaren eskua egon ote den Hassa­nnaren atxiloketaren atzean, galdetzen nion nere buruari atzo lo hartu aurretik albiste horiek irakurri ostean.
Nere elkartasuna helarazi nahi diot Hassannari, bihotzez.